Rato Pana
अर्थ प्रविधि समाचार समाज

एम्मस हस्पीटलको शाखा वीरगन्जमा खाेल्न सांसद यादवद्वारा मांग

वीरगन्ज,१५ फागुन
जनता समाजवादी पार्टिका केन्द्रिय सदस्य एवम प्रतिनिधिसभा सदस्य (साँसद) प्रदीप यादव र भारतको केन्द्रीय सरकारका स्वास्थ्य तथा परिवार कल्याण मन्त्री डा. हर्षबर्धनबिच दिल्लीको स्वास्थ्य मन्त्रालयमा भेटबार्ता भएको छ । हालै भारतको अनौपचारिक भ्रमणमा राजधानी दिल्ली पुग्नु भएका सांसद यादवले बर्तमान संकटपुर्ण घडीमा भारत सरकारले १० लाख डोज कोरानोको खोप सहायता स्वरुप प्रदान गरकोमा धन्यवाद व्यक्त गरे ।
त्यसतै भारतले नेपालमा भुकम्प बाढी पहिलो र अन्य संकटको बेला नेपाललाई सहयोग गर्दै आएको प्रसंगसमेत जोड्दै भारत सरकार र त्यहाँको स्वास्थ्य मन्त्रालयलाई साँसद यादवले धन्यवाद व्यक्त गरेका थिए । भारतमा सत्तारुढ भारतीय जनता पार्टीको बिहार प्रान्तका उपाध्यक्ष एवं मुज्जफरपुरका लोकसभा सदस्य (साँसद) अजय निषाद लगायतका नेताहरुको बिशेष उपस्थितीमा भएको उक्त भेटबार्तामा नेपालको वीरगन्जमा भारतमा आधुनिक उपचारको लागि विश्वस्तरमा चिनिएको संस्था ‘अल इण्डिया इन्टिच्युट अफ मेडिकल साइन्स’ (एआइएमएस) हस्पिट दिल्लीको शाखा नेपालको वीरगन्ज स्थापना गर्नसमेत सांसद यादवले मन्त्री बर्धनसंग बिशेष मांग राख्नु भएको थियो ।
स्वास्थ्य मन्त्रीलाई ज्ञापनपत्र दिदै नेपालको तराइ तथा भारतीय सिमावर्ती जनताहरुको अत्याधुनिक स्वास्थ्य सेवा प्रदान गर्ने उदेश्यका साथ प्रदेश नम्बर २ को सरकारसंग सहकार्य गर्दै एआइएमएस हस्पिटलको शाखा उपलब्ध गराउन अनुरोध गरेका थिए । उक्त हस्पिटलले हालसालै भारतका बिभिन्न पाँच सहरमा शाखा स्थापना गरेको छ । मिडिया फोर बोर्डर हार्मोनी भारतका संरक्षक रहेका साँसद अजय निषादले वीरगन्जमा एआइएमएस हस्पिटलको शाखा स्थापना गर्दा नेपाल र भारतका लाखौ सिमावर्ती जनताहरु दिल्ली धाउनु पर्ने बाध्यता समाप्त हुने बताए । साँसद निषादले बिशेष पहल गरिदिनुहुन मन्त्री हर्षबर्धनलाई सल्लाह दिएका थिए । मन्त्री हर्षबन्र्धनले नेपाली जनताको लागी भारत सरकार र आफुबाट हुन सक्ने सक्दो सहयोग प्रदान गर्ने आश्वासन व्यक्त गरेका थिए ।

Related posts

Leave a Comment