वीरगञ्जका मेयर सरावगी नेकपा एमालेमा प्रवेश

By Rato Pana

फाल्गुन २८, २०७८

बारा। वीरगञ्ज महानगरका मेयर विजय सरावगीले आधिकारिक रूपमा राष्ट्रिय अध्यक्ष केपी शर्मा ओलीको उपस्थितिमा नेकपा एमालेमा प्रवेश गरेका छन् ।

बैवाहिक कार्यक्रममा सहभागी हुन बीरगन्जको प्रसौनी टोलमा पुगेका नेकपा एमालेका अध्यक्ष केपी शर्मा शर्मा ओली फुलमाला र गम्छा ओढाएर मेयर सरवागीलाई पार्टी प्रवेश गराएका हुन् । ओलीसँगै कार्यक्रममा पूर्वमन्त्री प्रभु साह,रुघुबिर महासेठ लगायतका नेताहरुको सहभागी रहेका थिए ।

बीरगन्ज महानगरपालिका वडा नं. २३ प्रसौनीमा नेकपा एमाले पर्सा जिल्ला कमिटिले आयोजना गरेको पार्टी प्रवेश कार्यक्रममा बीरगन्ज महानगरपालिकाका मेयर सरावगी सहित ३ जना वडा अध्यक्षहरुले समेत प्रवेश गरेका थिए ।