वीरगन्ज । वीरगन्ज महानगरपालिका वडा नम्बर ३ मा पनि जनता समाजवादी पार्टीले चुनावी घरदैलो र भेटघाट कार्यक्रमलाइ तिब्रता दिएको छ ।
वडा नम्बर ३ मा जसपाका वडाअध्यक्षका उम्मेदवार बैजुलाल स्वर्णकारले बिहीबार पनि नेता कार्यकर्ताहरुको साथमा मतदाताको घरमा पुगेर घरदैलो कार्यक्रम गरेका हुन् ।
त्यसक्रममा वडा अध्यक्षका उम्मेदवार स्वर्णकारले जसपाका उम्मेदवारलाइ मत दिएर जिताउन आग्रह गरे ।
गत निर्वाचनमा आफु वडा अध्यक्ष रहेका बेला आफुले वडा नम्बर ३ का जनताको हरेक सुखदुखमा साथ दिएको स्मरण गराउदै उनले फेरि निर्वाचित भएको खण्डमा बाकी रहेको कामलाई निरन्तरता दिदै वडाको विकास र समृद्धि आफनो पहिलो प्राथमिकतामा रहने प्रतिबद्धता जनाए ।
गत स्थानीय निर्वाचनमा स्वर्णकारले भारी ल्याइ वडा अध्यक्षमा निर्वाचित भएको र आसन स्थानीय निर्वाचनमा पनि स्वर्णकार को नेतृत्वमा जनता समाजवादी पार्टी नेपालले वडा न. ३ मा राम्रो मत ल्याउने स्थानीयहरुको विश्वास रहेको छ ।
