दाङ । दाङमा १५ वर्षीया कुमारी आमा (किशोरी) ले १६ दिने शिशुको हत्या गरेकी छन् । दाङको राप्ती गाउँपालिका ३ मुसरिया गाउँकी १५ वर्षीया अञ्जना ( नाम परिवर्तन) ले अवैध गर्भधारणबाट जन्माएको १६ दिने शिशुको हत्या गरेकी हुन् ।
अञ्जनाले बुधबार बिहान सेफ्टी ट्याङ्कीमा फालेर १६ दिने शिशुको हत्या गरेको दाङका प्रहरी प्रमुख एसपी सुरेश काफ्लेले जानकारी दिए ।
अवैध गर्भधारणबाट जन्मिएको बच्चा (बालिका) धेरै रोएको र स्तनपान गराउँदा पनि रुन नछाडेपछि आवेशमा आई सेफ्टी ट्याङ्कीमा लगेर फालेको ती किशोरीले साविती बयान दिएको एसपी काफ्लेले बताए ।
प्रहरीले सेफ्टी ट्याङ्कीबाट शिशुको शव बरामद गरेको छ । शिशुको शव अहिले पोष्टमार्टमका लागि ल्याएको प्रहरीले जनाएको छ । प्रहरी नियन्त्रणमा रहेकी किशोरीमाथि अनुसन्धान सुरु गरिएको एसपी काफ्लेले बताए ।
