पहिरोले अवरुद्ध नारायणगढ–मुग्लिन सडकखण्ड सञ्चालनमा

By Rato Pana

जेष्ठ २७, २०७९

वीरगन्ज । पहिरोले अवरुद्ध भएको नारायणगढ–मुग्लिन सडकखण्ड सञ्चालनमा आएको छ। इच्छाकामना गाउँपालिका वडा नं ६ तोपे खोलामा बिहान ८:४५ बजे खसेको पहिरो पन्छाएसँगै सडक सञ्चालन भएको हो।

जिल्ला प्रहरी कार्यालय चितवनका अनुसार बिहान ११:१५ बजेबाट सडक दुईतर्फी सञ्चालनमा आएको छ। बुधबार रातिदेखि पहिरोका कारण सो सडक पटकपटक अवरुद्ध हुँदै आएको छ।

सवारीको लामो लाइन भएका कारण सडकखण्ड पार गर्न घण्टौँ समय लाग्छ।