बीरगन्ज । नेपाल सम्बत ११४३ र नेवारी समुदायको पर्व म्ह पूजा बीरगन्जमा पनि मनाइएको छ । नेपाल आफ्नो सम्बत नेपाल सम्बत अर्थात नयाँ वर्ष शुरु भएको अवसरमा बीरगन्जमा र्याली निकालिएको थियो । नेपाल सम्बत ११४३ को अवसरमा आयोजित कार्यक्रममा सहभागी हुदैं मधेश प्रदेशका मुख्यमन्त्री लालबाबु राउतले शुभकामना नेपाल सम्बतको अवसरमा शुभकामना व्यक्त गरे । उनले नेपाल संवत सम्पुर्ण नेपालीहरुको भएको हुँदा नेवार समुदाय मात्र नभई सबै समुदायको उपस्थितिमा नेपाल संवत मनाइएको खुशी व्यक्त गरे ।
नेपाल संवत् ११४३ को अवसरमा वीरगञ्जमा विभिन्न समुदायका व्यक्तिहरुको उपस्थितीमा प्रभातफेरी निकालिएको छ । वीरगञ्जको अलखियामठस्थित बाल उद्यान पार्कबाट नेवार समुदाय मात्रै नभएर फरक फरक समुदायका व्यक्तिहरुको उपस्थितीमा प्रभातफेरी निकालिएको हो ।
सो अवसरमा नेवा दे दवो पर्सासहित बीरगन्जबासीको संयुक्त आयोजनामा प्रभातफेरी थियो । बालउद्यान पार्कबाट निकालिएको प्रभातफेरि आदर्शनगर, माइस्थान, घण्टाघरबाट मिनाबजार, ६ नम्बर गेट, गणेशमान चोकबाट बिर्तास्थित नेपाल संवतको शुरुवात गर्ने राष्ट्रिय विभूति शङ्खधर साख्वाको शालिकमा पुगेर टुंगिएको थियो ।
प्रभातफेरिमा मधेश प्रदेशका मुख्यमन्त्री मोहमद लालबाबु राउत गद्दी, पूर्वमन्त्री प्रदिप यादव, बीरगन्ज महानगरपालिकाका प्रमुख राजेशमान सिंह, मधेश विश्वविद्यालयका उपकुलपति प्राध्यापक डा. दीपक शाक्य, नेता अजय द्विवेदी, बीरगन्ज महानगरपालिका वडा नम्बर ७ का वडाअध्यक्ष हिराकाजी श्रेष्ठ लगायत विभिन्न समुदायका व्यक्तिहरुको उपस्थिती रहेको नेवा द दवो पर्साका कार्य समिति सदस्य सौराज प्रधानले जानकारी दिए ।
नेवार समुदायले नयाँ वर्षका रुपमा मनाउने नेपाल संवतको राष्ट्रिय विभूति शङ्खधर साख्वाले विसं ९३७ (इसं ८८०) मा शुरुआत गरेका थिए ।
