महानगरपालिकाकोसबै विद्यालय भोलिदेखि सञ्चालनमा आउने

By Rato Pana

माघ २५, २०७८

बीरगन्ज – पर्साको बीरगन्ज महानगरपालिकामा सञ्चालित सबै विद्यालय भोलिदेखि सञ्चालनमा आउने भएका छन् ।

महानगरपालिकाले मंगलबार एउटा सूचना जारी गर्दै कोरोना भाइरस महामारीको तेस्रो लहरको जोखिम न्युनिकरण गर्न बन्द रहेका सामुदायिक र संस्थागत (निजी) विद्यालय भोलिदेखि सञ्चालनमा आउने जनाएको छ ।

बीरगन्ज महानगरपालिकाका नगरप्रमुख विजयकुमार सरावगीको अध्यक्षतामा सामुदायिक विद्यालयका प्रधानाध्यापक, संस्थागत विद्यालयहरुको छाता संगठन प्याब्सन, एनप्याब्सन लगायतका संगठनको प्रतिनिधिहरूको उपस्थितिमा भएको बैठकमा माघ २६ गते भोलीदेखि महानगर भित्र रहेका सम्पूर्ण विद्यालय भौतिक रुपमा सञ्चालनमा ल्याउने निर्णय भएको सूचनामा उल्लेख छ ।