‘मिदि प्रहरी’भन्दै भाइरल भएका युवकमाथि सार्वजनिक अपराध तथा अभद्र व्यवहार मुद्दा

By Rato Pana

बैशाख २२, २०७९

काठमाडौं । म्यादी प्रहरीको ड्रेस लगाएर भाइरल भिडियो बनाउने युवकमाथि प्रहरीले अनुसन्धान थालेको छ। कपिलवस्तु बाणगंगा नगरपालिका–४ का १७ वर्षीय नवराज रेग्मीलाई प्रहरीले बुधबार पक्राउ गरेको थियो।

उनीमाथि सार्वजनिक अपराध तथा अभद्र व्यवहार कसुरमा अनुसन्धान थालिएको जिल्ला प्रहरी कार्यालय कपिलवस्तुले जनाएको छ।

जिल्ला अदालत कपिलवस्तुबाट सात दिनको म्याद लिएर उनीमाथि थप अनुसन्धान भइरहेको र अनुसन्धान पछि मुद्दा दायर हुने कपिलवस्तुका प्रमुख प्रहरी उपरीक्षक (एसपी) दानबहादुर कार्कीले जानकारी दिए।