चट्याङ लागेर ३५ वर्षीया महिलाको मृत्यु

By Rato Pana

जेष्ठ ९, २०८०

रौतहट । रौतहटमा मंगलबार बिहान चट्याङ लागेर एकजना महिलाको मृत्यु भएको छ।

वर्षा र हावाहुरीसँगै परेको चट्याङ लागेर मौलापुर नगरपालिका पतौरागाउँकी ३५ वर्षीया प्रतिमा देवीको मृत्यु भएको हो।

आफ्नो गोठ नजिकैको ट्युबवेलमा पानी भर्ने क्रममा बिहान ७ बजे चट्याङ लागेर उनको घटनास्थलमै मृत्यु भएको इलाका प्रहरी कार्यालय मौलापुरका प्रमुख इन्स्पेक्टर नन्दकिशोर चौहानले जानकारी दिए ।