अमित अग्रवाल
वीरगन्ज । गाउँका बालबालिकाहरूलाई निशुल्क टिउसन पढाउने संस्थालाई उपकार सेवा नेपालले विभिन्न सामाग्री सहयोग गरेको छ ।
पर्सा जिल्लाको पोखरिया नगरपालिका वडा नम्बर ४ मा श्री दलित उथान समूदायिक समूह पोखारियाले दलित तथा गैरदलित बिद्यार्थीहरुलाई निशुल्क टिउसन पढाउदै आइरहेको छ ।
सामान्य परिवारका लगभग एक सय बिद्यार्थीहरुलाइ संस्थाले आफ्नै व्यवस्थापनमा शिक्षिका राखी पढाइ रहेको छ ।
सहज बाताबरणमा शिक्षा हासिल गर्न सकुन् भन्ने उदेश्यले व्हाइट बोर्ड २ थान, मार्कर १ प्याकेट, डस्टर २ थान, स्ट्यान्ड पंखा २ थान, कपि ,कटर,पेन्सिल,इरेजर लगायतका सामानहरु सहयोग गरिएको सामाजिक अभियन्ता प्रकाश थारुले जानकारी गराए ।
टिउसन सञ्चालन हुने गाउँमै संस्था कि अध्यक्ष बिद्या कुमारी सरावगी सदस्य द्वय सुमन बगेडिया र अन्कुर शर्माद्वारा सामुदायिक समुहका कोषाध्यक्ष जादोलाल राम, सचिव रमेश्वर राम तथा टिउशन पढाउने शिक्षिका द्वय पूजा कुमारी राम र फूलकुमारी देबि रामलाई हस्तान्तरण गरिएको थियो ।
