वीरगन्ज । पर्सा जिल्लाको वीरगन्ज महानगरपालिका वडा नं १० रानीघाटमा रहेको यादगार बचत तथा ऋण सहकारी संस्था लिमिटेडका कोषाध्यक्ष बलिराम साह पक्राउ परेका छन् ।
एक जना प्रहरी अधिकृतका अनुसार पक्राउ परेका साहलाई आजै जिल्ला अदालतबाट ठगी मुद्दामा म्याद थप गर्ने तयारी भइरहेको बताए ।
विभिन्न बचतकर्ताहरुको रकम ठगी गरेको आरोपमा सञ्चालक समिति विरुद्धमा ठगी मुद्दामा जाहेरी परे पछि साह पक्राउ परेका हुन् ।
उनी वीरगंजबाट आज अपराह्न १ बजे पक्राउ परेको पर्सा प्रहरीले जनाएको छ । प्रहरीका अनुसार यादगारका सञ्चालक समिति विरुद्ध जाहेरी दर्ता भएको त्यस मध्येका कोषाध्यक्ष साह पक्राउ परेको र अझै समितिका ६ जना फरार रहेको अवस्था छ ।
सहकारीका कोषाध्यक्ष साह पक्राउ परे लगत्तै उनलाई छुटाउन नेता वरपर घुम्ने बिचौलियाहरु एकजुट भएका छन् । यस्तै उनी विरुद्ध ठगी गरेको थप प्रमाण लिएर बचत कर्ताहरु प्रहरी कार्यालयमा पुगेका छन् ।
