मोटरसाइकलको ठक्करबाट एकजनाको मृत्यु

By Rato Pana

कार्तिक ११, २०८०

वीरगन्ज । सर्लाहीको ईश्वरपुरमा मोटरसाइकलको ठक्करबाट एकजनाको मृत्यु भएको छ ।

ईश्वरपुर नगरपालिका २ भक्तिपुरमा नम्बर नखुलेको मोटरसाइकको ठक्करबाट सोही ठाउँका ५५ वर्षीय महलाजिम अन्सारीको मृत्यु भएको हो ।

घर नजिकै सडकमा साइकलमा हिँडिरहेको बेला उनलाई मोटरसाइकलले ठक्कर दिएको इलाका प्रहरी कार्यालय केशरगन्जले जनाएको छ। घटना विषयमा थप अनुसन्धान भइरहेको प्रहरीले जनाएको छ ।