खुर्पाले हानेर बाबुको हत्या, छोरा पक्राउ

By Rato Pana

कार्तिक २९, २०८०

पोखरा । पोखरा १७ बिरौटामा छोराले खुर्पाले हानेर बाबुको हत्या गरेका छन् । गोधुली संसार पथका रविन क्षेत्रीले ५२ वर्षका बाबु रामु क्षेत्रीको हत्या गरेका हुन् ।

रविनलाई प्रहरीले पाल्पाबाट पक्राउ गरेको छ । खुर्पाले हानेर घाइते भएका रामुको चरक मेमोरियल अस्पतालमा उपचारका क्रममा मृत्यु भएको हो ।

बाबुको मृत्यु भएपछि प्रहरीले रविनको हुलिया सार्वजनिक गरेको थियो । सोही सूचना हेरेर पाल्पा प्रहरीले प्रभासबाट ग२०प ६०४७ नम्बरको मोटरसाइकलसहित पक्राउ गरेको हो ।