प्रसौनी गाउँपालिकाद्वारा कृषकलाई ५०% अनुदानमा गहुँको बीउ वितरण

By Rato Pana

मंसिर ७, २०८०

अनिल गुप्ता

वीरगन्ज । प्रसौनी गाउँपालिकाद्वारा पालिकाका किसानहरुलाइ ५०% अनुदानमा गहुँको बीउ वितरण गरिदै छ ।

७ वटा वडा रहेको सो पालिकाका ४५५ जना कृषकले बीउका लागि निवेदन दर्ता गराएका कृषि शाखा प्रमुख सुनिल महतोले जानकारी गराए ।

सोही अनुसार पहिलो प्राथमिकता निवेदन दिएका किसान र दोस्रो चरणमा अन्य किसानलाई पनि बीउ उपलब्ध गराइने गाउँपालिका अध्यक्ष बिनोद प्रसाद जैसवालले बताए ।

अध्यक्ष जैसवालले रातोपानाकर्मी संग कुराकानी गर्दै भने “२९ टन गहुँको बीउ आएकोमा पहिलैदेखि निवेदन दर्ता गराएका कृषकलाई अहिले उपलब्ध गराउदैछौ यस पछि पनि कृषि कार्यमा लागेका तर बीउ लिन छुटेका कृषकहरुलाई पनि उपलब्ध गराउन हामी लागेका छौ।”