लगभग ८५ लाख मूल्य बराबरका भन्सार छलीका सामानसहितको ट्रक नियन्त्रणमा

By Rato Pana

फाल्गुन १७, २०८०

वीरगन्ज । लगभग ८५ लाख मूल्य बराबरका भन्सार छलीका सामानसहितको ट्रक बारा प्रहरीले नियन्त्रणमा लिएको छ ।

वीरगन्जबाट कैलालीतर्फ जाँदै गरेको ना ६ ख १०५७ नम्बको ट्रकमा लोड रहेका ८४ लाख ७६ हजार १० रुपैँयाको खुद्रा सामानको बिल शंकास्पद देखिएपछि नियन्त्रणमा लिइएको प्रवक्ता दधिराम न्यौपानेले बताए ।

यसैगरी प्रहरीका अनुसार वीरगन्जबाट काठमाण्डौँतर्फ जाँदै गरेको बा प्र ०३ ००१ ख २५३९ नम्बरको यात्रुवाहक बसबाट २२ हजार ९४० रुपैँया बराबरका ३ बोरा बेलुन, २ बोरा स्टिकर समेत नियन्त्रणमा लिएको छ ।