सिराहामा श्रीमतीको हत्या श्रीमान घाइते, दुईजना पक्राउ

By Rato Pana

फाल्गुन २६, २०८०

वीरगन्ज । सिराहाको गोलबजारमा एक महिलाको हत्या भएको छ । गोलबजार नगरपालिका ६ की ३५ वर्षीया अनिता कुमारी साहको गएराति हत्या भएको हो ।

मृतकका पति महेन्द्र कुमार साह पनि घाइते अवस्थामा फेला परेको प्रहरीले जनाएको छ । उनको स्थानीय स्तरमा उपचार भइरहेको जिल्ला प्रहरी कार्यालयका सूचना अधिकारी उदयभार द्वीवेदीले जानकारी दिए ।

स्थानीय सिकिन्द्र साहको घर भाडामा लिएर पछिल्लो एक वर्षदेखि होटल सञ्चालन गर्दै आएका थिए । राति २ बजे राति अनिता घरभित्रै मृत फेला परेको सिरहाका एसपी सन्तोष आचार्यले बताए । उनका अनुसार सिलौटाको मसाला पिँध्ने लोढी (ढुंगा)ले मुखमा हिर्काएको जस्तो देखिएको छ ।