वीरगन्ज। वीरगन्जमा एक हस्पिटलले आयोजना गरेको रक्तदान कार्यक्रममा १४ जना महिला सहित ६० जनाले रक्तदान गरेका छन्। वीर्तामा स्थित रहेको श्रीराम हस्पिटलको आयोजनामा शनिबार रक्तदान कार्यक्रम सम्पन्न भएको हो ।
अस्पतालकी प्रबन्ध निर्देशक डा.दिप्ती यादवको अध्यक्षतामा अस्पताल परिसरमै आयोजित रक्तदान कार्यक्रममा १४ जना महिलासहित ६० जनाले रगत दान गरेको रक्त सञ्चार केन्द्र वीरगन्जका प्राविधिक प्रमुख सौरभराज पाण्डेले जानकारी दिए ।
गर्मीमा रक्त सञ्चार केन्द्र वीरगन्जमा रगतको अभाव भएको र त्यसैलाई मध्यनजर गरेर शनिबार रक्तदान कार्यक्रमको आयोजना गरिएको डा यादवले जानकारी दिइन् । उनका अनुसार रगत दान गरेकाहरुलाई विभिन्न प्रजातिको विरुवा वितरणपनि गरिएको थियो ।
सो आवसरमा पुर्व प्रदेश सभा सदस्य भीमा यादव, प्रहरी निरीक्षक पुष्कर बोगटी,बरिष्ठ बालरोग विशेषज्ञ डाक्टर श्यामसुन्दर यादव,वीरगन्ज युवा समाजका संस्थापक अध्यक्ष कमल चौगाईं, डाक्टर रामप्रसाद यादव लगायतकोपनि उपस्थिती रहेको थियो।
