चितवनमा सुनचाँदी पसलबाट ३ केजी सुन र ३५ केजी चाँदीसहित नगद लुटपाट

By Rato Pana

असार २, २०८१

वीरगंज । चितवनको एक सुनचाँदी पसलमा लुटपाट भएको छ । कालिका नगरपालिका–६ खोलेसिमल बजारमा रहेको सुनचाँदी पसलमा लुटपाट भएको हो।

शनिबार राति पौने नौ बजे विनोद सुनारको सुनचाँदी पसलबाट २ जना व्यक्ति आएर करिब ३ केजी सुन, ३५ केजी चाँदी र २ लाख नगद लुटपाट गरेको जिल्ला प्रहरी कार्यालय चितवनले जनाएको छ।

प्रहरीका अनुसार उनीहरुले पेस्तोल जस्तो वस्तु देखाएर सुनचाँदी र नगद लुटेर भागेका हुन् । लुटपाट गर्नेहरुले पसलमा रहेको सीसीटीभीको हार्डडिस्क पनि लगेका छन् ।