१५ सयले बढ्यो आज सुनको मूल्य

By Rato Pana

मंसिर ७, २०८१

वीरगञ्ज । साताको अन्तिम कारोबार दिन शुक्रवार पनि नेपाली बजारमा सुनको मूल्य बढेको छ । शुक्रवार सुनको मूल्य तोलामा १ हजार ५ सय रुपैयाँले उकालो लागेको हो ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला एक लाख ६५ हजार ५ सय रुपैयाँमा कारोबार भइरहेको छ । अघिल्लो कारोबार दिन बिहीबार छापावाला सुन प्रतितोला १ लाख ६४ हजार रुपैयाँमा कारोबार भएको थियो ।

त्यसै गरी, यस दिन चाँदीको मूल्य भने घटेको छ । महासङ्घको अनुसार आज चाँदी प्रतितोला १ हजार ९ सय ४० रुपैयाँमा कारोबार भइरहेको छ । अघिल्लो कारोबार दिन बिहीबार चाँदी १ हजार ९ सय ५० रुपैयाँमा कारोबार भएको थियो ।