बिरगंज । जनमत पार्टीको युवा जनमत संघ पर्साले सोमबार बीरगन्जमा आयोजना गरेको विशेष कार्यक्रममा २ सयभन्दा बढी युवाहरूले विभिन्न दल परित्याग गर्दै जनमत पार्टीमा प्रवेश गरेका छन्।
पर्सा जिल्ला कार्यालयमा आयोजित कार्यक्रमको आयोजना पार्टीका पर्सा जिल्ला अध्यक्ष ओमप्रकाश सर्राफले गरेका थिए। नवप्रवेशीहरूलाई पार्टीमा स्वागत गर्दै पार्टीका वरिष्ठ नेताहरूले माला, गम्छा, र टीका लगाइ शुभकामना व्यक्त गरे।
Advertisement
कार्यक्रममा मधेस प्रदेश सरकारका उद्योग, वाणिज्य तथा पर्यटन मन्त्री सकिल मिया, पर्सा जिल्ला अध्यक्ष ओमप्रकाश सर्राफ, जनमत पार्टीका केन्द्रीय सदस्य सिपु तिवारी, नेताहरू अनुराग द्विवेदी, माधव सिंह र युवा नेता राजुराज गिरीको पनि उपस्थिति थियो।
Advertisement
नवप्रवेशी युवाहरूले जनमत पार्टीमार्फत मधेस र युवाहरूको हकहितको लागि सक्रिय भूमिका खेल्ने प्रतिबद्धता जनाएका छन।
