प्रहरीका ३११ जना इन्स्पेक्टरहरूको सरुवा

By Rato Pana

बैशाख ११, २०८२

काठमाडौँ । नेपाल प्रहरीका ३११ जना इन्स्पेक्टरहरूको सरुवा भएको छ । प्रहरी महानिरीक्षकको निर्णयअनुसार इन्स्पेक्टरहरूको सरुवा गरिएको प्रहरी प्रधान कार्यालयले जनाएको छ ।

इन्स्पेक्टर सूर्यबहादुर शाहीलाई जिल्ला ट्राफिक प्रहरी कार्यालय धनुषामा सरुवा गरिएको छ । पर्सास्थित इलाका प्रहरी कार्यालय पोखरीयामा स्वरुप शर्मा, प्रहरी वृत्त महाराजगन्जमा सुरेश कोइराला, रुपन्देहीको इप्रका बेथरीमा सविता जिसी र इलाका प्रहरी कार्यालय मेलम्चीमा सुकेदव पौडेललाई पठाइएको छ ।

ललितपुरको कोन्ज्योसोम इप्रकामा सत्य नारायण डङ्गोल, जिल्ला प्रहरी परिसर काठमाडौँमा शत्रुधनकुमार महतो र रामेछापको इप्रका टोकरपुरमा विशाल सिंहलाई सरुवा गरिएको छ । लक्ष्मी खड्कालाई प्रहरी प्रभाग बलम्बुमा सरुवा गरिएको छ ।