सरकारी क्वार्टरमा एकै परिवारका चार जनाको शव फेला

By Rato Pana

बैशाख ३१, २०८२

काठमाडौं । भारतको छत्तीसगढ राज्यस्थित महासमुन्द जिल्लाको बागबहारामा रहेको एक सरकारी क्वार्टरमा बुधबार एउटा हृदयविदारक घटना भएको छ ।

एकै परिवारका चार जनाको शव फेला परेको हो । उनीहरूले सामूहिक आत्महत्या गरेको अनुमान गरिएको भारतीय सञ्चारमाध्यमले जनाएका छन् ।

घटनाको जानकारी पाउनेबित्तिकै प्रहरी उपरीक्षक, अतिरिक्त प्रहरी उपरीक्षक र फोरेन्सिक टोली तुरुन्तै घटनास्थलमा पुगेर अनुसन्धान सुरु गरेको छ । घटनाको कारण अहिलेसम्म खुल्न सकेको छैन ।