पर्सा । वीरगंज महानगर वडा न. २४ बहुवरीमा आजदेखि ७ दिने श्रीमद्भागवत महापुराण ज्ञान-यज्ञ सुरु भएको छ ।
बहुवरी गाँउको श्री रामजानकी मन्दिरको प्रांगणमा आयोजित ज्ञान-यज्ञको प्रदेश २ का प्रदेश सांसद रमेश पटेलले आज एक कार्यक्रम बीच उद्घाटन गरेका छन् ।
प्रदेश सांसद पटेलले ज्ञान-यज्ञको पहिलो दिन आयोजित जलयात्रा कार्यक्रममा विधिवत रुपमा पूजापाठ गरेर उद्घाटन गरेका हुन् ।
ज्ञान-यज्ञमा सहभागी प्रदेश सांसद पटेलले विश्वमा फैलिरहेको कोरोनाभाइरस लगायात विभिन्न रोगलाई ध्यानमा राखेर स्वास्थ्य सुरक्षा मापदण्डलाई पूर्ण रुपले अपनाएर पूजा गर्न श्रद्धालुहरुलाई आग्रह गरेका थिए ।
त्यस्तै महायज्ञमा प्रबचनकर्ता, गायकहरुका लागि नि:शुल्क खाने र बस्ने व्यवस्था समेत गरिएको छ । ७ दिन नियमित श्रीमद्भागवत कथा र गित संगीत हुने आयोजक समितिले जानकारी गराएको छ।
