ओमिक्रोनसँग मिल्दोजुल्दो लक्ष्ण देखिएपछि लाइसेन्स शाखाको सेवा बन्द ।

By Rato Pana

माघ ६, २०७८

वीरगञ्ज । कर्मचारीमा कोरोना भाइरसको नयाँ भेरियन्ट ओमिक्रोनसँग मिल्दोजुल्दो लक्ष्ण देखिएपछि यातायात व्यवस्था कार्यालय पर्सा सवारी चालक अनुमतिपत्र (लाइसेन्स) शाखाले सेवा बन्द गरेको छ ।

शुक्रवार (भोली) देखि एक सातासम्मका लागि नविकरण, प्रतिलिपि, कार्ड वितरण र कार्यालयको आन्तरिक काम वाहेकका सम्पुर्ण सेवा बन्द गरिएको कार्यालयले बिहिवार जारी गरेको सूचनामा उल्लेख छ ।

कोरोना भाइरसको संक्रमण दरपनि बढिरहेको अवस्थालाई मध्यनजर गर्दै माघ ७ गते शुक्रबार (भोलि) देखि माघ १४ गतेसम्मका लागि सेवा बन्द गरिएको लाइसेन्स शाखाका प्रमुख सुशिल साहले बताए ।