पर्सा । वीरगन्ज महानगरमा तेस्रो जित नेकपा एमाले ले आफ्नो नाम गरेको छ । वडा नम्बर ३१ मा नेकपा एमालेबाट उमेदवारी दिएका जितेन्द्र यादव ३४ मत बढी ल्याइ निर्वाचित भएका छन ।
यहीँ शुक्रबार सम्पन्न भएको स्थानीय तह निर्वाचनको मतगणना शनिबारदेखि शुरु भएको थियो । मतगणनाको लागि पहिलोपटक महानगरको चारवटा वडा (१,२,३१,३२) को मतपेटिका चारवटा छुट्टाछुट्टै कोठामा गणना भईरहेको थियो । सुस्त गतिमा चलिरहेको मतगणनाबाट आज तेस्रो जित नेकपा एमाले ले हाथ पारेको छ। पहिलो दुई जित जसपाको रहेको थियो ।
कांग्रेस र जसपालाई हराउदै वीरगन्ज महानगर ३१ मा एमाले ले तेस्रो जित आफ्नो नाम गरेको छ । नेपाली कांग्रेस ५४९ र जसपा ले १२७३ मत पाउदा नेकपा एमाले १३०७ मत ल्याइ विजयी भएको हो ।







