श्याम सरार्फ
वीरगञ्ज । वीरगञ्ज महानगरपालिका वडा नम्बर ३ छपकैयामा वडा अध्यक्ष पदका उम्मेदवार बैजुलाल स्वर्णकार ४१२ मत बढी ल्याइ पुनः निर्वाचित भएका छन ।
जनता समाजवादी पार्टी नेपालको तर्फबाट वडा अध्यक्ष पदका उम्मेदवार स्वर्णकारलाई जिताउन स्थानीयहरुले आफै भोट माग्न थालेका थिए ।
यहीँ शुक्रबार सम्पन्न भएको स्थानीय तह निर्वाचनको मतगणना शनिबारदेखि शुरु भएको थियो । सुस्त गतिमा चलिरहेको मतगणनाबाट आज (बिहिवार) वीरगन्ज महानगर वडा न. ३ मा जसपाका स्वर्णकारले पुनः जित हाथ पारेका छन ।
पहिलोपटक निर्वाचित भएर जादा महानगरको बोर्डमा अल्पमत रहे पनि स्वर्णकारले उदाहरणीय कार्य गरेर देखाउनु भएको नगरवासी बताउछन् । जनताको विश्वास जित्न सफल हुनुभएको र जनताले स्वर्णकार जस्तै जनप्रतिनिधी हुनुपर्ने बताए ।
नेकपा एमाले र नेपाली कांग्रेस लाई हराउदै वीरगन्ज महानगर वडा न ३ मा जसपाका स्वर्णकार विजयी भएका हुन । नेकपा एमालेका सुशील कुमार कण्ठ १०० मत र नेपाली कांग्रेसका अनवर हुसेन ले ११५८ मत पाउदा जसपा बाट उमेदवार रहेका स्वर्णकार १५७० मत ल्याइ विजयी भएका हुन ।
स्वर्णकारको जित पछि नेता तथा वीरगन्ज मेयरका उमेदवार राजेशमान सिंहले भने “वीरगञ्ज महानगरका अन्य वडाहरूमा पनि कर्मठ र समाजका लागि खट्ने उम्मेद्वारहरुलाई अवसर दिएका छौँ । हाम्रा उम्मेद्वारहरू माटोसँग जोडिएका हुन्छन्, जनताको समस्यालाई बुझ्ने हुन्छन । जनताको सेवक बनेर काम गर्छन् र वडाको नेतृत्व गर्ने क्षमता राख्छन्।”
स्वर्णकार पछिल्लो स्थानीय तह निर्वाचनमा सोही वडामा वडा अध्यक्ष पदमा निर्वाचित भएका थिए । वडा न. मा जसपाका स्वर्णकार सहित पुरा प्यानल विजयी भएको हो ।
