भरुवा बन्दुकसहित एक जना पक्राउ

By Rato Pana

भदौ ४, २०७९

बारा । बारामा भरुवा बन्दुक सहित एक जनालाई प्रहरीले पक्राउ गरेको छ ।

जिल्लाको जितपुर सिमरा उपमहानगरपालिका वडा नम्बर १७ रामनगरको गुम्बा टोल निवासी संजिव बललाई भरुवा बन्दुकसहित पक्राउ गरिएको जिल्ला प्रहरी कार्यालय बाराका प्रमुख प्रहरी उपरीक्षक होबिन्द्र बोगटीले जानकारी दिए ।

हतियार लुकाएर राखेको भन्ने सूचनाको आधारमा बलको घरमा छापामारी गरेर लोड गरेर राखेको एक थान भरुवा बन्दुक र त्यसमा प्रयोग हुने ५ थान बेरिङसहित उनलाई पक्राउ गरिएको प्रहरी उपरीक्षक बोगटीले बताए ।