वीरगञ्ज । वीरगञ्ज महानगरलाई बदनाम गर्न पर्सा क्षेत्र नम्वर १ बाट प्रतिनिधिसभा सदस्यका लागि बागी उम्मेद्वार अजय द्विवेदीकी पत्नी सुष्मा तिवारी संलग्न भएको भेटिएको छ ।
अजय द्विवेदीको समर्थनमा खोलिएको फेसबुक च्याट ग्रुपमा द्विेदी पत्नी सुष्माले अनर्गल सूचना राखेर महानगरको बदनाम गर्ने दुष्प्रयास गरेको भेटिएको हो ।
फेसबुक ग्रुपमा तिवारीले जसपाको कार्यक्रमका लागि महानगरपालिकाले तेल वितरण गरेको भन्दै यसलाई समाचार बनाएर भाइरल बनाउन भनेकी छिन् ।
क्षेत्र नम्वर १ मा निवर्तमान सांसद प्रदीप यादवको लोकप्रियता बढ्दै जाँदा आफू पराजित हुने देखेपछि द्विवेदी पत्नी तिवारीले यादवको समर्थन विथोल्ने मनसायले महानगरलाई जोडेर दुष्प्रचार गर्न खोजेकी हुन् ।
उनले ग्रुपमा गरेको कुराकानी बाहिरिएपछि तिवारीको असलियत पनि बाहिरिएको छ ।
आफ्ना श्रीमानको पक्षमा माहोल बनाउन हुँदै नभएको बनावटी कुरालाई समाचार बनाउन भन्दै ग्रुपमा जोडिएका सञ्चारकर्मीलाई उनले दबाब दिएकी थिइन् ।
वीरगञ्ज महानगरले कार्यालयको काममा बाहेक कसैलाई पनि पेट्रोल उपलब्ध नगराएको स्पष्ट पारेको छ ।
