श्याम सरार्फ
वीरगञ्ज । उपकार सेवा नेपालद्वारा शारिरीक अपाङ्ग भएका विभिन्न उमेर समुहका २९ जनालाई व्हीलचेयर सहयोग गरिएको छ ।
उपकार सेवा नेपाल कि संस्थापक अध्यक्ष विधा सरावगीको सभापतित्वमा आयोजित कार्यक्रममा वीरगञ्ज आसपास बसोबास गर्ने शारिरीक अपाङ्गहरुलाई हिडडुल गर्न सहयोग पुग्ने उद्देश्यले उक्त व्हीलचेयर वितरण गरिएको समाजसेवी अरबिन्द सिंहले बताए ।
कार्यक्रममा स्वागत मन्तव्य नारायण पराजुली र शुभकामना मन्तव्य अशोक बैधले दिएका थिए ।
सोही कार्यक्रममा बारा जिल्लाको सिमरामा एक कार्यक्रम गरि २५ थान व्हीलचेयर सहयोग गर्ने योजना रहेको जनाइएको छ । कार्यक्रममा सहयोग गर्ने संस्था र व्यक्तिलाई सम्मान गरिएको थियो ।
वरिष्ठ समाजसेवी बाबुलाल चचानको प्रमुख आतिथ्यमा भएको सो कार्यक्रममा अभियन्ता प्रकाश थारु, ओमप्रकाश सरार्फ, अनिशकान्त कुश्वाहा, नुतन सरावगी,पदमा सर्वागी, सुमन बागेडीया, दिपिका श्रेष्ठ लगायतको उपस्थिति रहेको थियो ।
कार्यक्रम सञ्चालन समाजसेवी सज्जन अग्रवाल र संजय श्रेष्ठले गरेका थिए ।
