वीरगञ्ज । सवारी चालक अनुमतिपत्रको लिखित परीक्षामा नक्कली परीक्षार्थी बनेर अर्कै व्यक्तिको किर्ते हाजिरी गर्ने दुईजनालाई पर्सा प्रहरीले पक्राउ गरेको छ ।
पर्साको वीरगञ्जस्थित यातायात कार्यालयको ट्रायल सेन्टरमा सवारी चालक अनुमति पत्रका लागि आइतबार भएको लिखित परिक्षामा नक्कली परीक्षार्थी बनेर आएका दुईजनालाई पर्सा प्रहरीले पक्राउ गरेको हो ।
पक्राउ पर्नेमा सखुवाप्रसौनी गाउँपालिका वडा नम्बर ३ निवासी ३६ वर्षीय निजामोदिन अन्सारी र वीरगञ्ज महानगरपालिका वडा नम्बर २४ रामगढवा निवासी २० वर्षीय सर्दुन अन्सारी रहेका छन् ।
अन्सारीद्वय वीरगञ्जस्थित यातायात कार्यालयले व्यवस्था गरेको लिखित परिक्षा दिने स्थानमा अर्काको नामको परिक्षा दिन आएर किर्ते हाजिरी गरेको पर्सा प्रहरीका प्रवक्ता एवम् प्रहरी नायव उपरीक्षक (डिएसपी) निर्मल बुढाथोकीले जानकारी दिए ।
दुवैलाई नियन्त्रणमा लिएर थप अनुसन्धान कार्य अघि बढेको डिएसपी बुढाथोकीले बताए ।
