वीरगंज । पर्साको कालिकामाई गाउँपालिकामा सबै भन्दा कान्छो उम्मेदवार २१ बर्षिय बशिष्ट कुमार गुप्ता गाउँपालिका अध्यक्षमा निर्वाचित हुनुभएको छ ।
जनता समाजबादी पार्टीबाट कालिकामाई गाउँपालिकाको अध्यक्ष पदका उम्मेदवार रहनुभएको २१ बर्षीय युवक गुप्ता आफ्ना प्रतिद्वन्दी काङ्ग्रेसका उम्मेदवार अजय पटेललाई ११७ मतले हराउदै निर्वाचित हुनुभएको छ ।
यसैगरी कालिकामाई गाउँपालिकामा जनता समाजबादी पार्टीबाट उपाध्यक्षकी उम्मेदवार रहनुभएको सहानी खातुनलाई १११ मतले हराउदै काङ्ग्रेसकी राजमती देवी बरैनी निर्वाचित हुनुभएको छ । ५ वटा वडा रहेको उक्त गाउँपालिका तीनवटको वडाध्यक्ष जसपा र एउटामा एमाले र एउटामा काङ्ग्रेसले जितेको छ ।
वडा नं १ मा जसपाका लालबाबु चौरसिया, वडा नं २ मा पुन एमालेका सोनालाल चौरसिया, वडा नं ३ मा पुन जसपाका संजय पटेल, वडा नं ४ मा कांग्रेसका संजय साह र वडा नं ५ मा जसपा कै जयनारायण पटेल विजयी हुनुभएको छ ।
