वीरगञ्ज । वडा प्रहरी कार्यालय विर्ताले दुई हजार लिटर अबैध घरेलु मदिरा नष्ट गरेको छ ।
वीरगञ्ज १६ इनर्वाबाट छिमेकी भारतीय बजार रक्सौल लैजान लागेको अवस्थामा प्रहरीले बिहीबार साँझ बरामद गरेको उक्त परिमाणको मदिरा शुक्रबार नष्ट गरेको हो ।
Advertisement
भारततर्फ अबैध घरेलु मदिरा लैजादै छ भन्ने सुराकीको आधारमा पुगेको टोलीले सो परिमाणको मदिरा बरामद गरेको थियो ।
Advertisement
इनर्वा गाउँको खेतको गोरेटो बाटोहुँदै टाउकामा राखेर लगिरहेको अवस्थामा प्रहरी देखेपछि मदिरा छाडेरा भरियाहरु फरार भएको वडा प्रहरी कार्यालय विर्ताका प्रमुख प्रहरी निरीक्षक विकाश मल्लले जानकारी दिए ।
बरामद मदिरा राजश्वका प्रतिनिधि, संचारकर्मीको रोहबरमा नष्ट गरिएको हो ।
