अमित अग्रवाल
वीरगञ्ज । बिल बिजक भन्दा बढी खुद्रा, हार्डवेयर तथा लत्ताकपडाहरू लोड रहेको ट्रक पर्सा प्रहरीले नियन्त्रणमा लिएको छ ।
बिल विजक भन्दा बढी विभिन्न किसिमका खुद्रा, हार्डवेयर तथा लत्ताकपडाहरू बोकेको ट्रक वीरगञ्जबाट चितवनतर्फ लैजादैगर्दा पक्राउ गरिएको प्रवक्ता तथा सुचना अधिकारी प्रहरी नायब उपरीक्षक दिपक गिरीले जानकारी गराए ।
सुचनाको आधारमा खटेको प्रहरी टोलीले हिजो (आइतबार) वीरगञ्ज महानगरपालिका वडा नं.१३ पावरहाउस चोक बाट ना.२ ख ९३८९ नम्बरको ट्रकलाई नियन्त्रणमा लिईएको प्रनाउ गिरीले बताए ।
उक्त मालवाहक ट्रकभित्र लोड रहेका खुद्रा, हार्डवेयर तथा लत्ताकपडाहरू अन्दाजी मुल्य रुपैयाँ ६०,३८,१८८।– (साठ्ठी लाख अड्तिस हजार एक सय अठासी ) बराबरको मालबस्तुहरू थप अनुसन्धान तथा आवश्यक कारवाहीको लागि आज (सोमबार ) राजश्व अनुसन्धान कार्यालय पथलैया बारामा बुझाइएको जिप्रका पर्साले जनाएको छ ।
