धाेनी नेतृत्वको टिम आइपिएल जित्दा वीरगन्जमा खुशीयाली, मानव सेवा आश्रममा खाद्यान्न सहयाेग

By Rato Pana

जेष्ठ १७, २०८०

वीरगन्ज । महेन्द्र सिंह धाेनी नेतृत्वको चेन्नाई सुपर किंग्सले ईण्डियन प्रिमियर लिग (आइपिएल) काे उपाधि जितेकाे खुशीयालीमा धाेनीका समर्थक वीरगन्जका युवाहरुले मानव सेवा आश्रममा खाद्यान्न सहयाेग गरेका छन् ।

एम एस धाेनी फ्यान क्लब वीरगन्जमा आबद्ध क्रिकेट प्रेमी युवाहरुले मंगलबार साँझ वीरगन्जस्थित मानव सेवा आश्रममा पुगेर चाउचाउ, बिस्कुट, भुजा , साेयाबिन लगायतका खाद्यान्न सहयाेग गरेका हुन् ।

धाेनी कप्तान रहेकाे चेन्नाई सुपर किंग्स आइपिएलकाे च्याम्पियन बनेकाे खुशियालीमा उनिहरुले आश्रममै केक काटेर रमाइलाे गर्दै खुशी साटासाट पनि गरेकाे मानव सेवा आश्रम मधेस प्रदेशका संयाेजक देवेश गुप्ताले जानकारी दिए ।