पतञ्जलीमा जागिर लगाइदिन्छु भन्दै १८ जनासंग ठगी गरेको आरोपमा एक युवक पक्राउ

By Rato Pana

जेष्ठ २४, २०८०

वीरगन्ज । पर्साबाट प्रहरीले एक युवकलाई बाराको प्रसौनी गाउँपालिका स्थित रहेको पतञ्जली आयुर्वेदमा जागिर लगाई दिन्छु भनी लाखौ रुपैया ठगी गरेको आरोपमा पक्राउ गरेको छ ।

जिल्ला प्रहरी कार्यालय पर्साको अनुसार पक्राउ पर्नेमा बहुदरमाई नगरपालिका वडा नं. ५ बस्ने २५ वर्षीय अंकेश कुशवाहा रहेका छन् ।

उनले १८ जना व्यक्तिलाई पतञ्जली आयुर्वेदको विभिन्न स्थानमा जागिर लगाई दिन्छु भनी प्रत्येक व्यक्तिबाट २५ हजारको दरले लाखौं रुपैयाँ ठगी गरेको प्रहरीले जनाएको छ।

जिल्ला प्रहरी कार्यालय पर्साका अनुसार कुशवाहालाई पक्राउ गरी ठगी तथा आपराधिक विश्वासघात सम्बन्धी मुद्दामा पर्सा जिल्ला अदालतबाट म्याद अनुमति लिई थप अनुसन्धान अघि बढाइएको जिल्ला प्रहरी कार्यालय पर्साले जनाएको छ ।