सरकारमा सहभागी हुने विषयमा प्रधानमन्त्री ‘प्रचण्ड’ र जनमतका अध्यक्ष राउतबीच भेटवार्ता

By Rato Pana

असार १७, २०८०

वीरगन्ज । जनमत पार्टीलाई सरकारमा ल्याउन प्रधानमन्त्री पुष्पकमल दाहाल ‘प्रचण्ड’ र जनमतका अध्यक्ष डा. सीके राउतबीच भेटवार्ता भएको छ।

आइतबार बिहान बालुवाटारमा भएको भेटमा जनमत पार्टीलाई सरकारमा ल्याउनेबारे कुराकानी भएको प्रधानमन्त्रीको प्रमुख राजनीतिक सल्लाहकार हरिबोल गजुरेलले जानकारी दिए।

गजुरेलले भने, ‘सरकारमा ल्याउन प्रधानमन्त्रीज्यू तयार हुनुहुन्छ, उहाँहरू पनि सरकारमा आउन तयारै हुनुहुन्छ। छलफल सकारात्मक भएको छ । तर, ठाउँ खाली छैन। कसरी ठाउँ खाली गर्ने भनेर प्रधानमन्त्री छलफलमै हुनुहुन्छ।’