५ किलो बढी चरेससहित एक जना पक्राउ

By Rato Pana

साउन ८, २०८०

वीरगञ्ज । पर्सामा लागू औषध चरेससहित एक जना पक्राउ परेका छन् । पक्राउ पर्नेमा जिल्लाको कालिकामाई गाउँपालिका – १ मूडली निवासी ४४ वर्षीय प्रेम पासवान रहेका छन् ।

प्रहरीले उनको साथबाट ५ किलो ४ सय ग्राम चरेस बरामद भएको जनाएको छ ।

ना ३० प ४४४३ नम्बरको मोटरसाइकलमा नेपालबाट भारततर्फ जाँदै गरेको अवस्थामा प्रहरीले पासवानलाई पकाहाँमैनपुर गाउँपालिका – ५ सबैठमा रोकेर चेकजाँच गर्दा उनको साथबाट उक्त परिणाममा चरेस भेटिएको हो ।