वीरगन्ज । वीरगन्जको घण्टाघरलाई उज्यालो र आकर्षक बनाउन वरिपरि जडान गरिएको बत्ति चोरी भएको छ ।
वीरगञ्ज महानगरपालिकाले घण्टाघरलाई उज्यालो र आकर्षक बनाउन वरिपरि जडान गरेको बत्ति चोरी भएपछि मेयर राजेशमान सिंहले दुख व्यक्त गर्दै आफनो फेसबुक पेजमा लेखेका छन् -यसलाई के भन्ने, मसंग कसैको रिस छ भने म माथि उतार्ने हो ! वीरगन्जको सौर्न्दर्यसंग जुटेको कुरालाई तोडेर फ्याँक्नु कति सम्म उचित हो ?
वीरगन्ज महानगरपालिकाले घण्टाघरलाई उज्यालो र आकर्षक बनाउन वरिपरि जडान गरेको बत्ति देखेर रातीको समयमा सेल्फी खिच्नेहरुको संख्या बढेको थियो ।
वीरगन्ज महानगरपालिकाको सरसफाई शाखा प्रमुख सर्फुदिन मियाँले भने, सार्वजनिक सम्पत्तिमा सबैको अधिकार हुन्छ त्यसको संरक्षण गर्ने पनि सबैको दायित्य हो उज्यालो र आकर्षक बनाउन वरिपरि जडान गरिएको बत्ति चोरी हुनु दुखद कुरा हो ।´
घण्टाघरको नजिकै प्रहरी बिट भएपनि बत्ती चोरी हुनुले प्रहरीको सुरक्षामा गम्भीर लापरवाही भएको आम नागरिकको भनाई छ ।
