वडा प्रहरी कार्यालय विर्ताद्वारा ८० हजार बराबरको सेक्स टोईसहित भन्सार छलीका सामग्री बरामद

By Rato Pana

अशोज २२, २०८०

वीरगञ्ज । वडा प्रहरी कार्यालय विर्ताले भन्सार छली चोरी पैठारी ल्याइएका सामग्री बरामद गरेको छ ।

भारतबाट भन्सार छलेर अवैध रुपमा ल्याइएका अनुमानित ३ लाख मूल्य बराबरको सामग्री बरामद गरिएको वडा प्रहरी कार्यालय विर्ताका प्रमुख प्रहरी निरीक्षक पुस्कर बोगटीले जानकारी दिए ।

प्रहरी निरीक्षक बोगटीकाअनुसार १ लाख २० हजार मूल्य बराबरको लत्ताकपडा बरामद गरिएको छ । यस्तै ९० हजार बराबरको किराना सामग्री, सेक्स टोई ८० हजार बराबरको र १० हजार बराबरको कस्मेटिक सामग्री बरामद गरिएको बोगटीले बताए ।