४७ किलो चाँदीका गरगहनासहित पर्सा र बाराका तीन जना पक्राउ

By Rato Pana

पुस २४, २०८०

वीरगन्ज । काठमाडौं उपत्यकामा तस्करीकाे ४७ किलो चाँदीका गरगहनासहित पर्सा र बाराका तीन जना पक्राउ परेका छन्।

पक्राउ पर्नेमा पर्साकाे वीरगन्ज महानगरपालिका वडा नम्बर ३ छपकैयाका सुमन सर्राफ, बाराकाे कलैया १० का कामेश्वर साअ र बाराकै विश्रामपुर गाउँपालिकाका मनिष सर्राफ रहेका छन् ।

विशेष सूचनाको आधारमा काठमाडौंको विभिन्न स्थानबाट बिल विजक बिनाको चाँदीको गहनासहित तीन जनालाई पक्राउ गरिएको उपत्यका अपराध अनुसन्धान प्रहरी कार्यालयले जनाएको छ ।