वीरगन्ज । दलित एकता उत्थान नेपाल नामक संस्थाले वीरगन्जको ग्रामीण भेगका ५० जना दलित बालबालिकालाइ निशुल्क ट्युसन पढाउने ब्यवस्था गर्ने भएको छ ।
वीरगन्ज महानगरपालिका वडा नम्बर २३ प्रसौनीबिर्ताका दलित बालबालिकाहरुलाई स्थानीय ध्रुब राय यादवसमेतको आर्थिक सहयोगमा उक्त संस्थाले निशुल्क ट्युसन पढाउने भएको हो ।
शनिबार एक कार्यक्रमकाबिच दलित एकता उत्थान नेपालका अध्यक्ष शम्भु हजराले उक्त घोषणा गरेका हुन् । कार्यक्रममा ध्रुब राय यादवले दलित शसक्तिकरणको पनि परिभाषा फराकिलो हुँदै गएकोमा खुसी ब्यक्त गर्दै आफ्नो अधिकार प्राप्त गर्न अझै एक कदम अगाडि बढ्नु पर्ने बताए ।
कार्यक्रममा होटल तथा पर्यटन ब्यवसायी संघका केन्द्रिय सचिव हरि पन्तले सदियौंदेखि ठूलो जातका भनाउँदाहरुले दलितलाई तल्लो जातको भनेर हेला गर्दै आएको प्रवृतिलाई समाप्त पार्न दलितहरु स्वंय अगाडि आउनुपर्नेमा जोड दिए ।
शिक्षा र चेतनाको स्तर बढाउन सकेमात्रै यो सम्भव हुने उनले बताए ।हजराको अध्यक्षतामा भएको कार्यक्रममा दिलिप कुर्मी , सुदिश प्रजापती ,जितेन्द्र मिश्र लगायतकोपनि उपस्थिती थियो ।
