वीरगन्ज । बाबाको भेषमा लागु औषध गाँजा लुकाइराखेको अवस्था एकजना पक्राउ परेका छन् ।
पक्राउ पर्नेमा जिल्ला बारा गा.बि.स. बछनपुर्वा वडा नं.६ जन्म स्थान घर भई हाल जिल्ला रौतहट फतुवाबिजयपुर न.पा.वडा नं.११ भैसही टोल बस्ने प्रमेश्वर हजराका छोरा बर्ष ६३ का दयालाल पैसवान रहेका छन् ।
प्रहरीका अनुसार शुक्रबार बिहान अन्दाजी ०९;४५ बजे आफ्नो घरमा लागु औषध गाँजा लुकाई छिपाई राखेको सुचनाको आधारमा खटिएको प्रहरी टोलीले पैसवानको घर खानतलासी गर्दा लुकाई छिपाई राखेको लागु औषध गाँजा १७ किलो ५०० ग्राम फेला परेको थियो ।
सो लागु औषध गाँजा सहित पैसवानलाई नियन्त्रणमा लिई आवश्यक कारवाहीको लागी ईलाका प्रहरी कार्यालय लक्ष्मिनिया रौतहटमा राखि थप अनुसन्धान कार्य भईरहेको प्रहरीले बताएको छ ।
पछिल्लो समय मकवानपुर जिल्लाको विभिन्न स्थानबाट खरिद गरी लागूऔषध गाँजा तस्करले साधुको भेषमा लुकाई छिपाई सीमावर्ती भारतीय बजार सम्म पुर्याउने गरेका छन् ।
