वीरगन्ज । मधेस प्रदेश स्तरीय राष्ट्रपति रनिङ शिल्ड अन्तरगत पुरुष तर्फ कबड्डीकाे उपाधि पर्साले जितेको छ।
जनकपुरमा आइबार भएकाे फाइनल खेलमा धनुषालाई ३८-२९ अंकले पाखा लगाउँदै पर्साले उपाधि हत्याएकाे पर्साका कबड्डी प्रशिक्षक आकाश पटेलले जानकारी दिए।
यसअघि शनिबार भएकाे सेमिफाइनल खेलमा पर्साले सर्लाहीलाई ४३-१६ अंककाे फराकिलो अन्तरले हराउँदै पर्साले फाइनलमा स्थान बनाएकाे थियाे ।शनिबार नै भएकाे आफ्नो पहिलाे खेलमा पर्साले महाेत्तरीलाई ४७-१६ अंकले हराएकाे थियाे।
यस्तै प्रतियोगितामा छात्रा तर्फकाे खेलमा पर्साले तृतीय स्थान प्राप्त गरेकाे छ।जनकपुरकाे कभर्डहलमै आइतबार भएकाे छात्रा तर्फकाे स्पर्धामा धनुषालाई नै ३७-३० अंकले हराउँदै पर्सा तृतीय भएकाे पर्सा कबड्डी संघका अध्यक्ष अमित अग्रवालले जानकारी दिए।
