फरार जीबी राईकाे हत्या भएको भनी भ्रम फैलाउने डिल्लीराम पक्राउ

By Rato Pana

बैशाख २०, २०८१

काठमाडाैँ । सामाजिक सञ्जालमार्फत भ्रम फैलाउने डिल्लीराम खनाललाई प्रहरीले पक्राउ गरेको छ।

आम नागरिकलाई भ्रम फैलाउने गरी जथाभाबी अन्तरवार्ता दिएको र अपुष्ट कुरा बोलेको पाइएपछि काठमाडौं महानगरपालिका ३२ गैह्री गाउँ बस्ने ४६ वर्षीय खनाललाई मंगलबार पक्राउ गरी प्रहरीले बिहीबार सार्वजनिक गरेको हो।

खनालले सहकारी प्रकरणमा फरार जीबी राईकाे हत्या भएको र साे हत्यामा गृहमन्त्री रवि लामिछाने संलग्न रहेको भनी भ्रम फैलाएकाे भीडिओ प्राप्त भएपछि पक्राउ गरी थप अनुसन्धान थालिएको प्रहरी परिसर काठमाडौंका प्रहरी उपरीक्षक नवराज अधिकारीले बताउनुभयो ।