वीरगंज। पर्साको सदरमुकाम वीरगंजका मुख्य ठाउँहरुको सौन्दर्यता गुलमोहर फूलले बढाएको छ।
वीरगंजको मुर्ली, साल्टट्रेनिग, मधेश विश्वबिध्यालयको प्रागण, बिर्ता हस्पिटल रोड, आदर्शनगर, भन्सार चौक लगायतको ठाउँहरुमा फुलेको गुलमोहरको फूलले बाताबरणलाई सुन्दर बनाएको छ ।
गर्मी महिनामा फुल्ने गुलमोहरलाई छहारीसँगै सौन्दर्य बढाउने फूलको रुपमा बगैँचा, सडक साइड तथा पार्कमा लगाइएको हेरिन्छ। गुलमोहरलाई फ्रान्समा ‘र्स्वको फूल’ भनेर उपमा दिइन्छ । वीरगंजका सडकमा फक्रिइरहेका यी फूलनजिक पुग्दा भने लाग्छ– वीरगंज त स्वर्ग नै हो कि ! अर्थात्, गुलमोहरले वीरगंजलाई स्वर्गझैं सिँगारेको छ ।
केहि पुराना ठाउहरुमा पहिलै देखि गुलमोहरको बोट भएपनि वीरगंजमा नयाँ नेतृत्व आएपछि सहरलाई हराभरा र सुन्दर बनाउने आभियान अन्तरगत सडक किनार र केहि मुख्य स्थानहरुमा गुलमोहर लगाइएको थियो जुन अहिले फल सवरूप सहरलाई सजाउने कार्य गर्दै छ।
विशेष गरी मार्च–अप्रिलदेखि जुन–जुलाईसम्म गुलमोहरको बोटमा रातो फूल देख्न सकिन्छ । सुक्खा ठाउँमा फुल्ने गुलमोहर नेपाल, भारत, अमेरिका, ब्राजिल, मेक्सिको, नाइजेरिया, युगान्डा, श्रीलंकालगायत देशमा पाइन्छ । गुलमोहर फरक–फरक देशमा फरक–फरक समयमा फुल्ने गर्छ ।
तस्बिर: प्रह्लाद चाैरसिया
