Rato Pana
समाचार

वीरगंजको माहोल असान्त बनाउँदै साहबुद्दिन

वीरगंज । आफू विभिन्न गैरकानुनी धन्दा र अपराध कर्ममा फसेपछि वीरगंजको माहोल असान्त बनाउन महम्मद साहबुद्धिन लागि परेको वीरगंजबासी आरोप लगाएका छन् । जसको पछिल्लो उदाहरण शुक्रबार साँझ वीरगंजमा भएको घटनाले प्रष्ट पारेको छ । शान्त रहेको वीरगंजको माहोल शुक्रबार साँझ एकाएक असान्त बन्न पुग्यो ।

व्यक्तिगत रिसिवि साँध्न मेयर राजेशमान सिंहको विरोधमा शुक्रबार साँझ मशाल जुलुस निकाल्दै माइस्थान चोकमा पुगेर उग्रता देखाएपछि मेयर सिंहका समर्थकहरुले नाराबाजि गर्दै त्यसको प्रतिबाद गरेका थिए । त्यसै क्रममा साहबुद्धिन समूह मुठभेडमा उत्रिन खोजेपछि प्रहरीले हस्तक्षेप गरेर स्थिति नियन्त्रणमा लिएको थियो ।

त्यसको आधा घण्टा समय पनि वित्न नपाउँदै साहबुद्धिन समूहले विर्ता स्थित एडभान्स अस्पताल अगाडी एक सर्वसाधारणको मोटरसाइकलमा आगजनी गर्ने प्रयास गरेपछि तत्कालै पुगेको प्रहरीले उनीहरुमाथि लाठीचार्ज गरेर तितरवितर बनाएको थियो । हिजो साझनै भाइरल भइरहेको भिडियोमा साहबुद्धिन आफै मोटरसाइकल नजिकै प्रस्ट देखिन्छन् । त्यसै क्रममा साहबुद्धिन पक्षका ४ जनालाई नियन्त्रणमा लिएर हिरासतमा राखेको वडा प्रहरी कार्यालय विर्ताका प्रहरी निरीक्षक पुष्कर बोगटीले जानकारी दिए ।

शुक्रबार वीरगंजमा पूर्व प्रधानमन्त्री र मन्त्री आएको मौका छोपेर वीरगंजको छवी नै धुमिल पार्ने नियतले साहबुद्धिन समूहले बजारमा मशाल जुलुस सहितको प्रदर्शन गरेको वीरगंजवासी बताउँछन् ।

शुक्रबार नेकपा एमालेका अध्यक्ष एवं पूर्व प्रधानमन्त्री केपी शर्मा ओली र पर्सा क्षेत्र नं. १ बाटै प्रतिनिधिसभा सदस्यमा निर्वाचित नवनियुक्त स्वास्थ्य तथा जनसंख्या मन्त्री प्रदीप यादव गृह जिल्ला आएका थिए ।

शुक्रबार मात्र होइन वीरगंजमा भिआईपी÷भिभिआईपी आउना साथ यो समूह वीरगंजको छवी नै धुमिल्याउने गरि कहिले के बहानामा त कहिले के बहानामा नाराबाजीमा उत्रने गरेका कारण वीरगंजका व्यवसायि र सर्वसाधारणसमेत आजित बनिसकेका छन् ।

व्यक्तिगत रिसिवी साँध्न अनेक तिकडम गर्दै आएका साहबुद्धिनले मेयर सिंह कहिले कहाँ जान्छन्, के गर्छन लगायतका नितान्त निजी मामिलामा समेत सुराकी बनेर सांघातिक हमलाको योजना बनाएको विषय प्रकाशमा आएको थियो । साहबुद्धिनले बुद्ध एयरको वीरगंज र सिमरा कार्यालयमा समेत फोन गरेर मेयरको पिए हुँ भन्दै हवाई उडानको तालिका सोधपुछ गरी मेयरमाथि आक्रमणको योजना बनाएको विषयमा जिल्ला प्रहरीमा उजुरी परेपछि प्रहरीले शहाबुद्दिनलाई निगरानीमा राखको थियो । यो घटनाले पनि सहाबुद्धिनको आपराधिक मनसुबालाई उदाङ्गो पारेको छ ।

सहाबुद्धिन तिनै व्यक्ति हुन् जो दोहोरो नागरिकता लिएको अभियोगमा उच्च अदालत वीरगंजमा मुद्धा चलिरहेको छ । श्रीमतीको नाममा आर्थिक लेनदेन गरेर अपचलन गरेको मुद्धामा श्रीमती फरार हुनु परेको छ । तस्करीको जगमा रजगज गर्न खोज्ने साहबुद्धिनको घरमा प्रहरीले छापा मारेर तस्करीका सामान सहित सबै सिल गरेपछि उनको तस्करीको धन्दा पनि बाहिरिएको थियो ।

समाजमा हुने अनेकन अमानविय र गैरकानुनी कार्यमा सहाबुद्दिनको संलग्नता बढ्दो छ । केहिदिन अघि नारायणी अस्पतालमा कार्यस्थलमा भएको यौनजन्य दूव्र्यवहारमा संलग्न सिएमए अगन्द चौरसीयालाई पनि उनैले बोकेर हिँडेका थिए । हेल्थ असिस्टेन्टको अध्ययन गरिराखेकी एक छात्रालाई यौनजन्य दूव्र्यवहार गर्दा पक्राउ परेर महिला सेलमा राखिएका चौरसीयालाई छुटाउन निज सहाबुद्दिनले लठैतहरुको समुह परिचालन गरेका थिए ।

प्रहरी प्रशासनले समाजको अमन चयन भाँड्ने र साम्प्रदायीक भड्काउने सहाबुद्दिनलाई समयमै आवश्यक कारवाहि नगरे सामाजिक सद्भाव अझै विग्रदै जाने देखिएको वीरगंजवासी बताउँछन् ।

सम्वन्धित समाचार

Leave a Comment