वीरगन्ज । विगत १ दशकभन्दा बढी समयदेखि व्यवस्थापन संकायमा निरन्तर गुणस्तरिय शिक्षा प्रदान गर्दै आएको बिपिएस प्लस २ कलेज (BPS +2) फेरि पहिलेकै स्थानमा यसवर्षदेखि सञ्चालन हुने भएको छ ।
उही संस्थापक शिक्षकहरुको समुहले नयाँ जोस जागरसहित पुनः पहिलेकै स्थानमा यसवर्षदेखि पठनपाठन सुरु गरिने जनाइएको छ ।
प्राविधिक समस्याका कारण केही वर्ष अन्तै सञ्चालनमा रहेको कलेज पुनः वीरगन्ज महानगरपालिका वडा नम्बर ९ रानिघाट सिडियो कार्यालयको उत्तरतर्फ पूजा पुस्तक पसल र नेवा पुस्तक पसल नजिकै रहेको वि पी एस स्कुल भवनमा यसवर्षको नयाँ शैक्षिकसत्रदेखि पठनपाठन गराइने लेखा विषय शिक्षक तथा मानव संसाधन निर्देशक संदिप कुशवाहाले जानकारी गराए ।
नयाँ भर्ना सुरु हुन अगाडि कलेज प्रशासनले आयोजना गरेको भेटघाट कार्यक्रममा यसवर्षदेखि कलेजले शिक्षकहरू तथा कर्मचारीहरुलाई राहत पुग्ने गरि कार्ययोजना ल्याइएको कुशवाहाले जिकिर गरे ।
कलेजहरुको भीडमा सफल पहिचान बनाउदै ११ वर्षदेखि व्यवस्थापन संकायमा गुणस्तरिय शिक्षा प्रदान गर्दै आएको बिपिएस प्लस २ कलेजले यसवर्षदेखि त्यस संस्थामा आबद्ध शिक्षकहरुका लागि ५ लाखको दुर्घटना बिमा र निरन्तर दुई वर्ष सेवा दिनेलाई सञ्चयकोषको व्यवस्था समेत गरिएको जनाएको छ ।
बिद्यार्थीहरुलाई किताबको ज्ञान ,व्यावहारिक ज्ञान, संस्कारको ज्ञान दिनुका साथै समय समयमा ट्रेनिङ, सेमिनार, भ्रमण, खेलकुदलगायतका अतिरिक्त क्रियाकलाप गराइने अर्थ शास्त्र शिक्षक तथा शैक्षिक निर्देशक दिपक पटेलले जानकारी गराएका थिए।
