कटुवा पेस्तोलसहित एक भारतीय युवक पक्राउ

By Rato Pana

असार १०, २०८१

रौतहट । रौतहटको गौरबाट सशस्त्र प्रहरी बलले हतियारसहित एक भारतीय नागरिकलाई पक्राउ गरेको छ ।

गौर नगरपालिका–२, महादेवपट्टिबाट भारतको जिल्ला सितामढी बैरगनिया ३ असोगी निवासी २१ वर्षीय राहुल रामलाई सशस्त्र प्रहरीबलले एक थान कटुवा पेस्तोलसहित पक्राउ गरेको हो ।

भारतबाट नेपालतर्फ आउँदै गरेको नम्बर प्लेट नखुलेको मोटरसाइकललाई सीमाक्षेत्रमा चेकजाँच गर्ने क्रममा मोटरसाइकलको टुल बक्समा सो हतियार फेला परेको सशस्त्र प्रहरी बलले जनाएको छ ।