ट्याक्टर दुर्घटना हुँदा एक जनाको मृत्यु

By Rato Pana

साउन २८, २०८१

वीरगञ्ज । वीरगञ्जस्थित भाथा बाबाको मेला दर्शन गरी फर्कने क्रममा पर्साको जानकी टोलास्थित नहरमा ट्याक्टर दुर्घटना हुँदा एक जनाको मृत्यु भएको छ। दुर्घटना जानकी टोलाको प्रहरी चौकी नजिकै नहरमा ट्याक्टर अनियन्त्रित भई पल्टिंदा भएको हो।

मृत्यु हुनेमा छिपहरमाई गाउँपालिका–७, टिहुकी निवासी ५० वर्षीय प्रेम मुखिया बिन रहेको इलाका प्रहरी कार्यालय पोखरियाले जनाएको छ।

प्रहरी निरीक्षक राजन ढकालका अनुसार प्रदेश २–०३–००१ त ५३३९ नम्बरको ट्याक्टर अनियन्त्रित भई नहरमा पल्टिएको थियो, जसले गर्दा चालक प्रेम मुखियाको घटनास्थलमै मृत्यु भएको हो।