सुनसरीबाट ३ सय किलो बढि गाँजा बरामद

By Rato Pana

कार्तिक १७, २०८१

सुनसरी । प्रहरीले सुनसरीबाट तीन क्विन्टल बढी अवैध लागुऔषध गाँजा बरामद गरेको छ। कोशी गाउँपालिका वडा नम्बर ७ हरिपुरबाट प्रहरीले ट्रकमा लुकाएर राखेको अवस्थामा तीन क्विन्टल ४० केजी गाँजा बरामद गरेको हो।

पूर्वबाट पश्चिमतर्फ आउँदै गरेको प्रदेश १–०२–००२ ख ०४११४ नम्बरको ट्रकबाट यो परिमाणमा गाँजा बरामद भएको सुनसरी प्रहरीले जनाएको छ।

इलाका प्रहरी कार्यालय भण्टाबारी र अस्थाई प्रहरी पोस्ट हरिपुरबाट खटिएको टोलीले ट्रक रोक्न खोज्दा चालक फरार भएपछि शंका लागेर प्रहरीले चेकजाँच गर्दा गाँजा बरामद भएको प्रहरीले जनाएको छ।